Úrslit úr 1. hlaupinu í hlaupaseríu Atlantsolíu og FH
Úrslitin má nálgast inn á www.hhfh.is og www.hlaup.is
95 hlauparar tóku þátt í erfiðu færi en góðu veðri. Sigurvegari í karlaflokki var Hákon Hrafn Siguðrsson, 3SH og í kvennaflokki sigraði Arndís Ýr Hafþórsdóttir, Fjölni.

Næsta hlaup fer fram þann 23. feb. og minnum við á að hægt er að kaupa skráningarmiða í forsölu í www.tri.is á Suðurlandsbraut 32.

Framfarir, hollvinafélag millivegalengda og langhlaupara, afhenti á dögunum viðurkenningar til bestu hlaupara og hlaupahóps ársins 2011. Viðurkenningarnar voru veittar á Reykjavík International Games í Laugardalshöll.

Karlhlaupari ársins: Kári Steinn Karlsson, Breiðablik
Kvenhlaupari ársins: Helen Ólafsdóttir, ÍR
Efnilegust kvenna: Aníta Hinriksdóttir, ÍR
Efnilegastur karla: Tómas Zoëga, ÍR

Hlaupasería Atlantsolíu og FH.
5km hlaupasería Atlantsolíu og FH hefst næstkomandi fimmtudag, 26. janúar. Hlaupin eru þrjú talsins líkt og í fyrra og hlaupið meðfram strandlengjunni í Hafnarfirði. Hlaupin hefjast öll fyrir utan höfuðstöðvar Atlantsolíu að Lónsbraut í Hafnarfirði. Skráningarfyrirkomulag er það sama og í fyrra og í Powerade-hlaupunum. Hægt er að kaupa skráningarmiða frá kl. 18:00 á keppnisstað eða í forsölu í verslun TRI.is að Suðurlandsbraut 32.  Allar nánari upplýsingar hér og inn á www.hhfh.is
Glæsileg verðlaun í boði fyrir sigurvegara seríunnar og þá sem sigra í aldursflokkum sem og fjöldi útdráttarverðlauna í boði á lokahófi seríunnar. 

Það var frábært stemmning og veður í dag í Laugum þegar Ægir-Þríþraut héld sinn fyrsta vetrar-tvíþraut á Reykjavík International Games (RIG). 24 keppendur mættir til leiks, þar af 10 konur, og kláruðu öll með stæl. Sund voru 800m og hlaupið 8km þar á eftir úti í laugardalnum. Fyrsta kona var Karen Axelsdóttir (Ægir-Þríþraut) á 46:17 mín og fyrstur karl Hákon Hrafn Sigurðsson (3SH) á 44:14 mín. Frekari úrslit hér á Ægissiðuni. Myndir væntanlega.

Þökkum keppendum og starfsfólki kærlega fyrir hjálpina.

F.h. Ægis-þríþrautar

10 vikna hraðanámskeið  23.janúar - 31. mars.  10.vikur. ( Fyrirlestur og 30 verklegar æfingar )

Ertu fastur/föst á sama hraða? Vilt þú hlaupa hraðar?  Vilt þú ná betri árangri í hlaupum? Það skiptir máli hvernig þú æfir ef þú vilt ná árangri.  Þú getur eytt miklum tíma í æfingar ár eftir ár sem skilar þér litlu sem engu betri árangri. Þér gefst nú kostur á að bæta hlaupahraða þinn á einfaldan hátt með breyttum og fjölbreyttum hraðaæfingum.

LESA MEIRA

Það er búið að opna fyrir skráningu í 2XU Hálfa Járnkarlinn.
Sjá frekari upplýsingar á www.3sh.is

Hlaupahátíð á Vestfjörðum 13-15 júlí 2012

Skráning á hátíðina er hafin hér á hlaup.com. Keppendum gefst kostur á að skrá sig á alla viðburði helgarinnar í einni færslu en einnig er hægt að kaupa hlaupahátíðarboli í forskráningunni.

Nánari upplýsingar um hátíðina er að finna á heimasíðunni, hlaupahatid.is en verið er að vinna að uppfærslu fyrir árið 2012.

Dagskráin er nánast sú sama og árið 2011 en þar má nefna sjósund (500m og 1500m), Óshlíðarhlaup (10 og 21,1 km), fjallahjólreiðar (55 km), skemmtiskokk, Vesturgatan (10, 24 og 45 km) en sérstök athygli er vakin á 45 km hlaupinu en það var í fyrsta sinn í fyrra og tókst mjög vel.

Hlaupakveðjur

Læknadagshlaupið 2012 -Hlaupaskór í verðlaun!!

 Læknadagahlaupið 2012, mánudaginn 16/1. Hlaupa- og gönguleið er  5 km hringur í Laugardal. (Miðnæturhlaupaleiðin). Veitt verða verðlaun fyrir fyrsta sæti í karla og kvennaflokki (gjafabréf fyrir hlaupaskóm frá vinum okkar í TRI.is). Skráning hér. Skoða skráningar hér. Skráningargjald er 1000 kr fyrir 15 ára og eldri, 500 fyrir aðra. Hlaupið er öllum opið, Skráningargjald er greitt í seðlum við afhendingu keppnis númera sem hefst kl 15:30 í anddyri Laugadals sundlaugar. Ræst verður kl 17:00.

Munið að greiða með reiðufé við sókn númera!

Gleðilegt ár öll saman.

Ægir-Þríþraut heldur fyrsta tvíþraut á árinu á RIG - Reykjavík International Games.

800m sund (inni) + ca. 8km hlaup (úti).

Laugardagur 21.1.2012 kl.11.30 í laugardalnum.

Frekari upplýsingar á www.triathlon.is

Forskráning hér til hliðar.

F.h. Ægis-Þríþrautar

Erum þrír sjúkraþjálfaranemar við HÍ sem vantar þátttakendur í BS-rannsókn þar sem mæld er lengd aftanlærisvöðva hjá hlaupurum og einnig hlaupurum sem stunda yoga samhliða.

Hvetjum áhugasama til að hafa samband við okkur á netfangið bs2012hi@gmail.com og þá sérstaklega þá sem stunda einnig einhverskonar yoga (rope yoga, hot yoga og fleira). Einnig ef þið hafið frekari spurningar.

Skilyrði fyrir þátttöku: Kona á aldrinum 30-45 ára, hlaupa amk 25 km á viku og stunda þarf yoga amk 2x í viku. Engin saga um meiðsl á aftanlærisvöðva sl 6 mánuði. 

Hjólreiðafélagið Bjartur og 3SH bjóða í samhjól!

Fyrsta samhjól ársins fer fram nú á sunnudaginn 8. janúar, lagt verður af stað frá Ásvallalaug klukkan 10:00.  Samhjól er sameiginleg hjólaæfing hjólreiðafélaga á höfuðborgarsvæðinu og hugsað fyrir alla hjólandi og því allir velkomnir, farin verður leið við hæfi.  Að samhjóli loknu verður boðið upp á léttar veitingar í SH sal annarri hæð Ásvallalaugar og svo að því loknu er öllum boðið í laugina.  TRI ehf. menn verða á svæðinu og sýna TACX þjálfa og CUBE reiðhjól
Við hvetjum alla til að mæta, sjáumst hress!